Առողջական որոշակի խնդիրներ ունենալով՝ ամենեւին էլ ավելորդ չէ ուշադրություն դարձնել մարսողական համակարգի վրա, միգուցե խնդիրն այնտեղ է թաքնված:
Մարսողական համակարգը շատ զգայուն է մարդու գործողությունների նկատմամբ: Որպես կանոն, այն արտահայտվում է մարսողական համակարգի տարբեր խանգարումներով: Իսկ դա ազդում է օրգանիզմի պաշտպանողական ուժերի վրա:
Մենք ինքներս, մեր ձեռքով նվազեցնում ենք այն՝ սեփական օրգանիզմին վնաս հասցնելով ու ենթարկելով նրան տարբեր վնասական գործոնների:
Սուրճ – այստեղ խոսքը վերաբերում է մեծ չափաբաժնի մասին: Օրվա ընթացքում 1-2 բաժակ սուրճի ընդունումը նույնիսկ նպաստում է մարսողությանը:
Ծխախոտ – մարդկանց թվում է, թե ծխելն առաջին հերթին վնասում է թոքերը: Բայց պարզվում է, որ վատ ազդեցություն է թողնում նաեւ մարսողական համակարգի վրա: Ազդում է ստամոքսի լորձաթաղանթի վրա եւ առաջացնում գաստրիտ: Իսկ թունավոր խեժը մեծացնում է ստամոքսի ուռուցք առաջանալու հավանականությունը:
Ոգելից խմիչքներ – արգելակում է ճարպի այրումը եւ խանգարում ստամոքսի միկրոֆլորան:
Կծու սնունդ – նույնպես վտանգավոր է մեծ չափաբաժնի դեպքում եւ հաճախակի օգտագործման ժամանակ, քանի որ կարող է առաջանալ ստամոքսի այրոց:
Նստակյաց ապրելակերպ – խանգարում է ստամոքսի նորմալ աշխատանքը, արդյունքում առաջանում է մետեորիզմ (փորափքանք) եւ փորկապություն:
Դեղեր – դրանք նույնպես «սպանում» են ստամոքսի միկրոֆլորան:
Մարմնի քաշի նվազման հարցում եւս մարսողական համակարգը դեր է խաղում:
Մարսողական համակարգն ինչքան առողջ է, այնքան ավելի հետ է պահպանել մարմնի նորմալ քաշը: Հետեւաբար, բացառեք ռիսկային գործոնները, բժշկական զննության ենթարկեք ստամոքսաղիքային տրակտը, կանխարգելեք վերջինիս հիվանդությունը, եւ կզգաք, թե ինչքան հեշտ է պայքարել ավելորդ քաշի դեմ:
