Շատ կարեւոր է, որ զույգերի միջեւ սիրով զբաղվելու ցանկությունը համընկնի: Բայց այդպես ոչ միշտ է պատահում:
Երբեմն տղամարդը ցանկանում է զբաղվել սեռական հարաբերությամբ ավելի հաճախ, քան կինը: Ժամանակ առ ժամանակ նա մերժում է տղամարդուն, բայց միեւնույն ժամանակ անհանգստանում, որ դա բացասաբար չանդրադառնա իրենց հարաբերություններին: Իսկ ի՞նչ անել: Նմանատիպ հարցերը շատ կանանց են անհանգստացնում, քանի որ սեռական բիոռիթմի անհամապատասխանությունը կարող է բազմաթիվ խնդիրներ առաջացնել իրենց փոխհարաբերություններում:
Որպես կանոն, սեռական հարաբերությունների սկզբնական շրջանում սեռական ակտիվության հաճախականությունը համընկնում է: Երբեմն ժամանակի ընթացքում այդ ցանկությունը նվազում է, մասնավորապես կանանց մոտ: Սակայն դա չի նշանակում, որ կինը դադարել է ամուսնուն սիրել: Գաղտնիք չէ, որ գեղեցիկ սեռի ներկայացուցիչներին անհրաժեշտ է առավելագույն լիցքաթափում, որպեսզի վայելել ողջ հաճույքը: Իսկ սթրեսները, խնդիրները, ամուսինների միջեւ վեճերը հարաբերություն ունենալը գրեթե անհնար է դառնում:
Ավելի նպատակահարմար է քննարկել այդ հարցը հանգիստ պայմաններում, փոխզիջումների գնալ՝ հաշվի առնելով միմյանց սեռական ակտիվությունը:
Փորձագետները հանգել են այն եզրակացության, որ սեռական ակտիվությամբ ավելի հաճախ աչքի են ընկնում այն տղամարդիկ, ովքեր պարբերաբար օգնում են իրենց կանանց տնային գործերում: Բանն այն է, որ երբ ամուսինն ամեն կերպ փորձում է օգնել, աջակցել կնոջը, վերջինս երախտագիտության ու սիրո զգացում է ապրում:
